Coñécenos
Dende 2012 ofrecendo Servizos Culturais, Medioambientais e de Ocio. Traballamos no ámbito da economía social para un heteroxéneo e amplo abano de clientes, dende a administración pública ou entidades sen ánimo de lucro e fundacións, ata outras empresas, entidades privadas ou particulares.
Atendendo ás tres grandes áreas de actuación aceptadas na Xestión Patrimonial ofrecemos un amplo catálogo de servizos, que abarcan dende a Xestión básica (Investigación e Protección) ata a Xestión aplicada (Difusión). Para isto contamos con convenios de colaboración cun amplo número de profesionais, empresas e institucións que nos permiten ofrecer un servizo de xestión integral de proxectos adaptado ás necesidades de cada cliente.
Devolvemos rendabilidade social e económica
Servizos
Arqueoloxía
- Clasificación e catalogación de materiais, planimetrías, reconstrucións e recreacións 3D.
- Control Arqueolóxico dos movementos de terra. Seguimento de obras.
- Delimitación e localizacións de xacementos arqueolóxicos.
- Escavacións, sondaxes e prospeccións.
- Estudos previos a proxectos de actuación arqueolóxica.
- Informes, inventarios e catalogacións.
- Conservación, restauración e rehabilitación de bens culturais.
- Desenvolvemos os traballos de arqueoloxía e medio ambiente mediante a nosa marca
Medio Ambiente
- Elaboración de Plans de Xestión Ambiental.
- Avaliación ambiental e implantación de sistemas ISO.
- Seguimento ambiental de obras e proxectos.
- Educación e interpretación ambiental.
- Desenvolvemos os traballos de arqueoloxía e medio ambiente mediante a nosa marca
Desenvolvemos os traballos de arqueoloxía e medio ambiente mediante a nosa marca
Consultora, documentacióne museoloxía
- Deseño e edición de contidos para sitios web, publicacións, audiovisuais, exposicións...
- Deseño de itinerarios e material interpretativo: paneis, rótulos, libro-guías, folletos...
- Elaboración de Sistemas de Información Xeográfica (GIS).
- Inventarios e catalogacións de elementos culturais e naturais.
- Servizo de asesoría histórica e medioambiental.
Formación e didáctica
- Actividades de ocio e tempo libre relacionadas co patrimonio.
- Seminarios, cursos, etc. para institucións culturais.
- Cursos de sensibilización patrimonial para todos os niveis educativos.
- Deseño de ferramentas didácticas para a interpretación do patrimonio.
- Proxectos formativos para colectivos específicos (estudantes, profesionais...).
- Cursos de formación.
- Desenvolvemos os traballos de didáctica mediante a nosa marca
Turismo cultural, activo e de natureza
- Consultoría turística.
- Organización de eventos culturais e no medio natural.
- Plans de interpretación.
- Servizo de guías.
- Deseño e realización de itinerarios guiados e autoguiados na natureza.
- Deseño de andainas, rutas e itinerarios culturais.
- Desenvolvemos as actividades de turismo mediante a nosa axencia de viaxes (licencia XG-643)
Filosofía
A nosa misión
É a de innovar e desenvolver novos xeitos de aproveitamento do rico e abondoso patrimonio galego, buscando sempre un desenvolvemento perdurable que consiga harmonizar ó ser humano cos seus recursos, de modo que estes sexan un valor do pasado, un activo do presente e unha garantía de cara ó futuro.
Como conseguilo?
Mediante a aplicación da metodoloxía da cadea valorativa, pretendemos abarcar tódolos ámbitos de actuación aceptados na xestión patrimonial: investigar, protexer e, especialmente, difundir.
Se ben os dous primeiros son inherentes á propia actuación sobre este tipo de bens, o terceiro eixo fica desolado no panorama actual. Unha situación nociva, xa que o mal estado do ámbito da difusión e o recoñecemento social pode paralizar e deteriorar as engrenaxes anteriores, afectando en última instancia a propia conservación da riqueza patrimonial galega.
Equipo
Somos un equipo de profesionais especializados nas diferentes ramas que concirnen á xestión do Patrimonio e a súa difusión.
Preme nas imaxes para coñecer mellor o noso perfil profesional.
Martiño X. Vázquez Mato
Responsable área arqueoloxía
Historiador e arqueólogo por vocación e profesión. Tamén é investigador predoutoral da Universidade de Vigo, onde achega ao alumnado a importancia da disciplina da Interpretación Patrimonial.
É ademais o noso especialista na aplicación das novas tecnoloxías á protección, conservación e difusión do patrimonio.
Manuel Gallego Alves
Responsable área turismo cultural
Historiador namorado da súa terra. Nado nunha vila de Allariz, sita en plena verea romana, leva o amor polo pasado no sangue.
Este é o motivo polo que sen dúbida trátase dunha das mellores persoas coas que descubrir as lendas, tradicións, oficios e todos os recursos patrimoniais de Ourense, especialmente do val do Arnoia.
Begoña Garrido Labrador
Responsable área didáctica
Arqueóloga de corazón e educadora patrimonial de profesión. Con Begoña a historia é moito máis que libros, citas, autores, datas e datos. Con ela aprender é unha aventura divertida. Lecer educativo chámalle!
«O ensino que deixa pegada non é o que faise de cabeza a cabeza, senón de corazón a corazón». H. G. Hendricks.
Noemí Álvarez Doallo
Responsable área turismo cultural
«A arte non é o que ti podes ver, senón a que fas que o resto vexa». Esta cita de Degás define a paixón polo seu traballo da nosa Guía Oficial. Sempre cun sorriso na boca será quen de contaxiarte toda esa emoción.
Licenciada en Historia da Arte e Guía Oficial de Turismo, é especialista en Patrimonio Cultural e Técnica en Información e Comercialización de Produtos Turísticos.
Toni Vázquez Sobrino
Responsable área turismo activo
A mellor compañía para percorrer a nosa xeografía, escoitar lendas hai tempo agochadas, recoñecer cogomelos ou xogar coa neve. Co noso Técnico de Actividades Físico-Deportivas no Medio Natural as vosas vivencias serán únicas!
«O destino nunca é un lugar, senón unha nova forma de ver as cousas». H. Miller.
Raúl Fernández González
Responsable área medio ambiente e turismo de natureza
Licenciado en Ciencias Ambientais, amante do mundo natural e con especial devoción polos animais, sobre todo as aves.
Tamén é Técnico en Condución de Actividades no Medio Natural, ademais de monitor e coordinador de actividades de Tempo Libre e Educación Ambiental.
Proxectos
Traballamos para un amplo abano de clientes e, especialmente, administracións, centros educativos e outras empresas.
Estes son algúns dos proxectos desenvolvidos para eles:
Castelo de Castro Caldelas
Concello de Castro Caldelas
Xestionamos o servizo de didáctica, dinamización e atención ao visitante da fortaleza máis monumental da Ribeira Sacra.
Albergue A Escola
Concello de Vilar de Santos
Dende o ano 2020 lanzamos un hostel rural na Reserva da Biosfera de Allariz como base de operacións para coordinar decenas de actividades de turismo activo na zona.
(BIC) Castro da Saceda
Concello de Cualedro
Poñemos en valor o primeiro monumento tipo castro declarado Ben de Interese Cultural na Provincia de Ourense mediante traballos anuais de investigación arqueolóxica, restauración e conservación.
Museo da Limia
Concello de Vilar de Santos
Xestionamos o servizo de atención e visitas do referente etnográfico da comarca, inaugurado no ano 1992 co fin de preservar a memoria dos Limiaos.
Roteiros Culturais
Universidade de Vigo
Coordinamos dende 2016 o programa de rutas da Área de Benestar, Saúde e Deporte da Universidade de Vigo.
Castelo de Monterrei
Xunta de Galicia
Desenvolvemos dende 2017 o programa de visitas históricas teatralizadas á fortaleza medieval de cabeceira na comarca do Támega.
Festival Internacional de Xardíns
Concello de Allariz
Dende 2015 xestionamos o servizo de atención ao público do único festival de xardíns existente en España.
Arquivo Histórico de Ourense
Xunta de Galicia
Impulsamos o programa de visitas teatralizadas como ferramenta didáctica que achegue dun modo ameno e divertido o extenso fondo documental do arquivo referente na provincia.